പലപ്പോഴും ചെറിയ കുട്ടികളുടെ വിഡിയോകൾ കാഴ്ചക്കാരുടെ ചുണ്ടുകളിൽ ചെറുപുഞ്ചിരി വിരിയിക്കാറുണ്ട്. അത്തരത്തിൽ ഒരു കുഞ്ഞു മിടുക്കിയുടെ വിഡിയോയാണ് ഇപ്പോൾ സൈബർ ഇടങ്ങളിൽ വൈറലാകുന്നത്. ഇപ്പോൾ വൈറലായ വിഡിയോയിൽ, ഒരു കൊച്ചു പെൺകുട്ടി അനായാസമായി നൃത്തം ചെയ്യുന്നത് കാണാം.
അവളുടെ തികച്ചും ആഹ്ലാദകരമായ പ്രകടനം വിവാഹത്തിലെ അതിഥികളിൽ നിന്ന് അഭിനന്ദനം നേടി. അവർ ഈ മിടുക്കിയുടെ അടുത്ത് ചെന്ന് അഭിനന്ദന സൂചകമായി പണം നൽകി. വിവാഹ ചടങ്ങിൽ പരിപാടി അവതരിപ്പിക്കുന്നതിനിടെ ചില സ്ത്രീകൾ അവളുടെ കവിളിൽ ചുംബിക്കുകയും ചെയ്തു. നൃത്തം ചെയ്യാനും കഴിവ് പ്രകടിപ്പിക്കാനും അവൾക്ക് സ്റ്റേജിന്റെ ആവശ്യമില്ല എന്നതാണ് ശ്രദ്ധേയം.
സ്റ്റേജിനു താഴെ ആൾക്കൂട്ടത്തിന് നടുവിൽ നിൽക്കുകയും തികച്ചും ആഹ്ലാദകരമായ പ്രകടനത്തിലൂടെ അതിഥികളുടെ ശ്രദ്ധ ആകർഷിക്കുകയും ചെയ്തു. ഇൻസ്റ്റാഗ്രാമിൽ പങ്കുവെച്ച വിഡിയോയ്ക്ക് 1 മില്യണിലധികം വ്യൂസുണ്ട്.
