താരരാജാവ് മോഹന്‍ലാലിന്റെ അറുപത്തിയൊന്നാം പിറന്നാളിന് താരത്തിനു ആശംസകള്‍ നേര്‍ന്ന് നിരവധിയാളുകളാണ് രംഗത്തെത്തിയിരിക്കുന്നത്. മോഹന്‍ലാലിനു പിറന്നാള്‍ ആശംസ നേര്‍ന്ന നടി സീനത്തിന്റെ ഫേസ്ബുക്ക് പോസ്റ്റില്‍ അശ്ലീല കമന്റിട്ട യുവാവിനു കിടിലന്‍ മറുപടി നല്‍കി സീനത്ത്. സീനത്തിന്റെ മറുപടി സോഷ്യല്‍ മീഡിയകളില്‍ വൈറലാകുന്നു. മോഹന്‍ലാല്‍ എന്ന വ്യക്തി അഥവാ “മോഹന്‍ലാല്‍ എന്ന നടന്‍ എത്ര ഉയരങ്ങളില്‍ എത്തുന്നുവോ അത്രയും എളിമയും മറ്റുള്ളവരോടുള്ള സ്നേഹവും കാത്തു സൂക്ഷിക്കുന്ന വ്യക്തി ആണെന്ന് എനിക്ക് തോന്നിയിട്ടുണ്ട്. അതുപോലെ സ്ത്രീകളെ ബഹുമാനിക്കുന്ന കാര്യത്തിലും മോഹന്‍ലാല്‍ മുന്‍പന്തിയില്‍ തന്നെ. ഏതു ആള്‍ക്കൂട്ടത്തില്‍ നിന്നാലും ലാലിന് ചുറ്റും ഒരു വല്ലാത്ത തേജസ്‌ ഉള്ളതുപോലെ. ഉള്ളതുപോലെ അല്ല ഉണ്ട്. എന്നും എപ്പോഴും അതേ തേജസ്വടെയും ആരോഗ്യത്തോടെയും സന്തോഷത്തോടെയും കാണാന്‍ ആഗ്രഹിക്കുന്നു. മനസറിഞ്ഞു പ്രാര്‍ത്ഥിക്കുന്നു.”- എന്നായിരുന്നു സീനത്തിന്റെ പിറന്നാളാശംസാ പോസ്റ്റ്.
ഇതിനു മഹമൂദ് വൈ എം എന്ന യുവാവിന്റെ അശ്ലീമ കമന്റിനു സീനത്ത് നല്‍കിയ മറുപടിയാണ് ശ്രദ്ധേയമാകുന്നത്. “സ്ത്രീ കളോട് ഒരു വെക്ക്നെസ് ആണെന്ന് കേട്ടിട്ടുണ്ട് ചേച്ചിക്ക് വല്ല അനുഭവും ഉണ്ടായിട്ടുണ്ടോ?” എന്നായിരുന്നു യുവാവിന്റെ കമന്റ്. ഇതിനെതിരെ നിരവധിയാളുകള്‍ രംഗത്തെത്തി. മോഹന്‍ലാല്‍ ഫാന്‍സും രംഗത്തെത്തി. കൃത്യ മറുപടി നല്‍കിയത് സീനത്ത് ആയിരുന്നു. “പുരുഷന് സ്ത്രീ എന്നും ഒരു വീക്ക്‌നെസ്സ് തന്നെയാണ് മോനേ. അതുകൊണ്ടാണല്ലോ നമ്മളൊക്കെ ജനിച്ചത് അല്ലെ? എന്നാല്‍ കൂട്ടത്തില്‍ ഇത്തിരി ബഹുമാനം ലാലിനു ഉണ്ട് എന്ന് പറഞ്ഞത് തെറ്റാണോ? എല്ലാ മനുഷ്യരിലും നല്ലതും ചീത്തയുമുണ്ട്. ലോകം മുഴുവന്‍ വൈറസ് കൊണ്ട് നിറഞ്ഞിരിക്കുന്നു. അപ്പോള്‍ ഇനിയുള്ള സമയം മറ്റുള്ളവരുടെ കുറ്റങ്ങള്‍ കണ്ടുപിടിക്കാതെ ഉള്ള സമയം സന്തോഷത്തോടെ ജീവിക്കാന്‍ നോക്കാം, നല്ലതിനു വേണ്ടി പ്രാര്‍ത്ഥിക്കാം”- എന്നായിരുന്നു സീനത്തിന്റെ മറുപടി.
നടൻ മോഹൻലാൽ തന്റെ 61-ാം ജന്മദിനം ആഘോഷിക്കുകയാണ് ഇപ്പോൾ. ചെന്നൈയിലാണ് താരം തൻ്റെ പിറന്നാളാഘോഷിച്ചത്. കഴിഞ്ഞ ദിവസം വൈകിട്ടോടെ തന്നെ തങ്ങളുടെ പ്രിയതാരത്തിന് ആശംസകൾ അറിയിച്ച് രംഗത്തെത്തുകയും ചെയ്തിരുന്നു. മോഹൻലാലിനൊപ്പമുള്ള ചിത്രം പങ്കുവെച്ചുകൊണ്ടാണ് താരങ്ങളൊക്കെ ആശംസകളുമായി എത്തിയത്.
